აშუღ ქამანდარის სახლს მუზეუმი

აშუღ კამანდარ ეფენდიევი იყო თანამედროვე აშუღური ხელოვნების ბრწყინვალე ოსტატი, საქართველოსა და კავკასიის რეგიონში ცნობილი მომღერალი, უბადლო შემსრულებელი და მასწავლებელი.

აშუღების ცნობილი სახლ-მუზეუმი წარმოგიდგენთ მისი ცხოვრებისა და შემოქმედებითი მოღვაწეობის გამოფენას. სახლ-მუზეუმი სამი სამუზეუმო სივრცისგან შედგება. პირველ დარბაზში სტუმრები გაეცნობიან აშუღური ხელოვნების ისტორიას, მიიღებენ მდიდარ ინფორმაციას აშუღური ხელოვნების როლისა და მნიშვნელობის შესახებ, სხვადასხვა ეთნიკური და მენტალიტეტის მქონე ადამიანების მშვიდობიანი თანაცხოვრებისა და კულტურული ურთიერთობების შესახებ. ასევე, ხაზგასმული იქნება აშუღური ხელოვნების როლი საქართველოში აღმოსავლური, ქალაქური ფოლკლორის განვითარებისათვის. სახლ-მუზეუმის დანარჩენ ორ დარბაზში წარმოდგენილია აშუღ ქამანდარის პირადი ნივთები, იარაღები, მისი ცხოვრებისა და მოღვაწეობის ფოტოები, აუდიო-ვიდეო დოკუმენტური ფილმები, ჯილდოები, ხელნაწერები და სხვა საარქივო მასალა.
აშუღ კამანდარის სახლ-მუზეუმი მშობლიურ სოფელ კაფანახჩში 2013 წელს საქართველოს კულტურის სამინისტროს გადაწყვეტილებით დაარსდა. სახლ-მუზეუმის შენობის მოწყობისა და რეაბილიტაციის პროექტი თურქეთის საერთაშორისო თანამშრომლობისა და განვითარების სააგენტოს (TIKA) თბილისის საკოორდინაციო ოფისის ფინანსური მხარდაჭერით განხორციელდა. რეაბილიტაცია ჩაუტარდა აშუღ კამანდარ ეფენდიევის სახლსა და კარს. გამოფენისთვის მოეწყო ამავე სახლის მეორე სართული. საგამოფენო დარბაზები სრულად აღიჭურვა და მოეწყო ახალი ექსპოზიცია. განხორციელდა საგამოფენო ექსპონატების აღდგენა, სამუზეუმო კოლექციების ორგანიზება და სისტემატური რეგისტრაცია.

აშუღ კამანდარ ეფენდიევის სახლ-მუზეუმის გამოფენა და დიზაინის კონცეფცია საქართველოს ეროვნული მუზეუმის სპეციალისტებმა დაგეგმეს.
აშუღ კამანდარის განახლებული სახლ-მუზეუმის სახით ქვემო ქართლის რეგიონს კიდევ ერთი თანამედროვე მუზეუმი, კულტურულ-საგანმანათლებლო სივრცე შეემატა.