აჭარის სატყეო სააგენტოს საგანმანათლებლო გამოფენა

გამოფენაზე წარმოდგენილია აჭარის ფლორისტული რეგიონი, რომელიც ყველაზე მდიდარია კავკასიის ეკორეგიონში და ცნობილია თავისი ბიოლოგიური მრავალფეროვნებითა და ხმელეთის ეკოსისტემების სიმრავლით. ექსპოზიციის ცენტრალური ნაწილი ეთმობა აჭარის რეგიონს, როგორც ბიომრავალფეროვნების ცხელ წერტილს. საექსპოზიციო სტენდებზე წარმოდგენილი მასალა ვიზიტორებს გააცნობს აჭარის ტყისუნიკალურ ეკოსისტემებს, მცენარეულობის ვერტიკალურ ზონირებას, ენდემური მერქნის ველური სახეობებისა და „წითელი ნუსხით“ დაცული სახეობების ფოტოებს, ასევე აჭარის სატყეო სააგანტოს ისტორიას, მიზნებს და ტეროტორიულ ადმინისტრირებას.

გამოფენის ყველაზე საინტერესო ნაწილია ენდემური და გადაშენების პირას მყოფი სახეობების ჰერბარიუმის ფანჯარა და ტყის მცენარეების დენდრიტების კოლექციები.

საგამოფენო დარბაზში წარმოდგენილია ინფორმაცია აჭარის რეგიონის გეოგრაფიის, რელიეფის, ძირითადი ლანდშაფტების, გეოლოგიური აგებულების, კლიმატისა და ჰიდროლოგიური ქსელების შესახებ. ასევე, გამოფენაზე წარმოდგენილი იქნება მავნებლების, სოკოვანი პათოგენების და აჭარის ტყეების ნიადაგის ტიპების გავრცელება.

ვიზიტორებს საშუალება ექნებათ დაათვალიერონ კავკასიის ეკორეგიონის, საქართველოსა და აჭარის ტყეების რუკების ლაითბოქსები.

გამოფენა ასევე მოიცავს ინტერაქტიულ მონიტორს (სენსორული ეკრანი), რომელიც ვიზიტორებს საშუალებას აძლევს მიიღონ ინფორმაცია აჭარის ბუნების ძეგლების შესახებ. მასში მოცემულია ბუნების ძეგლების გავრცელების რუკა, ფოტოები და ინფორმაცია თითოეული მათგანის შესახებ.

ვიზიტორთა დასასვენებელ სკამზე წარმოდგენილია საინფორმაციო დაფები წითელი წიგნის, ბიომრავალფეროვნების, ბუნების კონსერვაციის საერთაშორისო კავშირის (IUCN), ცხელი წერტილების, ეკორეგიონებისა და ენდემური სახეობების შესახებ.