ალექსანდრე ქართველი - ამერიკული ავიაციის ქართველი გენიოსი

გამოფენა წარმოაჩენს ქართველი ემიგრანტის, ამერიკული და მსოფლიო ავიაციის ნოვატორის - ალექსანდრე ქართველის (ქართველიშვილი /1896-1974/) ცხოვრებასა და ღვაწლს.

გამოფენაზე წარმოდგენილი იქნება ქართველის მიერ შექმნილი თვითმფრინავების მოდელები, გეგმები, არქივები, დოკუმენტაცია, სხვადასხვა სტატიები, ფოტოები და მულტიმედიური მასალები. ექსპონატები ხაზს უსვამს ქართველის არაჩვეულებრივ ცხოვრებას და მის მემკვიდრეობას სამხედრო თვითმფრინავების დიზაინში.

შემდგომი გამოფენა 2015 წლის მეცნიერებისა და ინოვაციების საერთაშორისო კვირეულის დასკვნითი ღონისძიებაა.

გამოფენა იმართება თბილისის მერიის და საქართველოს ეროვნული არქივის მხარდაჭერით.