ობობა
მე თუ მკითხავთ, ობობა ოჩო ჩვენს ტყეში საუკეთესო მქსოველია. სხვა არავინ ქსოვს ასეთი ნაზი აბრეშუმის ძაფით. ოჩოს ნაქსოვი აურაცხელი ხაზებისგან, სხვადასხვანაირი კუთხეებისგან და კვანძებისგან შედგება. ნეტავი, მისი ქსელი დილით, მზის შუქზე განახათ! ქსელზე ცვრის პაწაწინა წვეთები ელავს, ციმციმებს, გეგონებათ, ოჩომ თავისი აბლაბუდა მზის სხივებისგან მოქსოვა. ამ დროს ტყის ყველა კუთხიდან იკრიბებიან ოჩოს ქსელის სანახავად. ტყის ბინადრები დგანან და უყურებენ, პეპლებიც კი. ოჩო კეთილი ობობაა. ის ქსელს მწერების მისატყუებლად მიმალულ ადგილებში არ აბამს. აბლაბუდას ორ დიდ მუხას შორის შლის, რომ ყველამ შორიდანვე დაინახოს და ლამაზი ნაქსოვის ცქერით დატკბეს.
ობრო კი ერთი ბრაზიანი, ბოროტი ობობაა. ამბობენ, ობროს ქსელი იმდენად მაგარი ძაფითაა ნაქსოვი, რომ შიგ გაბმულმა ფუტკარმაც კი ძლივს გამოიხსნა თავიო. ობროს ოჩო ეჯავრება, აბა, ეგ რა ობობააო. ერთხელ ადგა და შეჯიბრებაზე გამოიწვია, ახლა ვნახავთ, უფრო მაგარ ძაფებს ვინ ქსოვსო. ასეთი შეჯიბრება ტყეში შემოდგომაზე იმართება, მას ჰქვია: „ფრენა ქარის მიმართულებით.“
დადგა შემოდგომა. ერთ ქარიან დღეს ოჩო და ობრო ძაფებს დაეკიდნენ და შეჯიბრებაც დაიწყო! ოჩო წინ ქარის სისწრაფით მიიწევდა. ძაფს მთელ სიგრძეზე, თითქმის მიწამდე შლიდა, უნაზეს, თანაც მტკიცე ნაქსოვს ქარი წამსვე გაიტაცებდა და ოჩოსაც წინ მიაქანებდა. ობროს მოკლე და მაგარი ძაფი კი შუა შეჯიბრში მაინც ჩაწყდა და ობობა მიწას დაენარცხა.
-ორი ობობას შეჯიბრი დამთავრდა! ოჩომ გაიმარჯვა!- გამოაცხადა დათუნია ოთომ. ტყის ბინადრებმა ტაში დასცხეს. პეპელა ანანომ ოჩოს პაწაწინა თაიგული მიართვა.
-ამას ვეღარ მოვითმენ!-დაიღრინა ობრომ, კოჭლობ-კოჭლობით აცოცდა ხეზე, ძაფს დაეკიდა და ქარის მიმართულებით გაფრინდა.
სხვა მოთხრობები
- მე ქვეყანას სინათლესა და სითბოს ვაძლევ! -თავს იწონებდა მზე. - მე მაცოცხლებელ წვიმას, -გაიძახოდა ღრუბელი. - მე ხომ უხვი წყლით ვარ ცნობილი! -გაიძახოდა მდინარე...
რა კარგი სიტყვა ყოფილა „ჰყავს.“ ეს სიტყვა თურმე იმას ნიშნავს, რომ დედამიწაზე მარტო არა ხარ. რა კარგია, რომ ადამიანებს ერთმანეთი ჰყავთ. ეს სიტყვა ცხოველებსაც ...
პატარა კესო ქვიშის სათამაშო კოშკს აგებს. კოშკი ძალიან ლამაზია. კესოს უხარია. ნიკამ დაინახა ქვიშის კოშკი, დაჰკრა ფეხი და დაანგრია. კესო ატირდა: - ამ კოშკს დიდხან...
მხიარული ზაფხულია. პატარა ნიკოს და ანანოს დაჭერობანას თამაში უნდათ. - ნიკაა! -ყვირის პატარა ნიკო, -სად ხარ? დაჭერობანა ვითამაშოთ! აი, იპოვეს! ბიჭი ხის ქვეშ წა...
პატარა წვეთი დედამიწაზე ცხოვრობდა,-ლიკლიკა ნაკადულის ტალღებში. ლიკლიკა ნაკადული ლამაზ მინდორზე მიედინებოდა. პატარა წვეთი წყლის ნაკად მიჰყვებოდა, ცას უყურ...
ზაზუკა პატარა ბიჭი არ გეგონოთ, ის ნიკას ზაზუნაა. პაწაწინა ცხოველია, - თოვლივით თეთრი. თათები ჩვილის პაწია თითებს მიუგავს. ზის თავის მინის სახლში და პირს არხეინა...
წვიმინი დღე იყო. დები-თაია და ნია ფანჯარასთან მოწყენილი იდგნენ. ისინი წვიმით დაფარულ პატარა ბაღს გაჰყურებდნენ. უცებ დებმა ჩიტუნას ჟივჟივი გაიგონეს. გარეთ, სახლი...
დინო პატარა დინოზავრი იყო. იგი ნესტიან და დაბურულ ტყეში გამოიჩეკა. ძლივს ამობობღდა კვერცხიდან, მიიხედ-მოიხედა, მაგრამ ერთმანეთში გადახლართული ხე-გვიმრების მეტი ...
ერთ ლამაზ ტყეში ხეები მეგობრულად ცხოვრობდნენ. გავიდა დრო. მშვენიერ ნაძვს თანდათან სიბერე შეეპარა. წიწვები გაუყვითლდა, ტოტები გაუხმა. ხეები დაღონდნე...
მამიკო ციყვი მხატვარია. ციყვუნია ცარო მას დილიდან ეწუწუნება: - მამიკო, რა არის, სულ ზღარბებსა და ლოკოკინებს რომ ხატავ? რა იქნება, შემოდგომის სურათი დამიხატო. მ...
დაეხმარე სახელის შერჩევაში
გახადეთ თქვენი სახლი უფრო უსაფრთხო და არ დატოვოთ 5 წლამდე ასაკის ბავშვი აბაზანაში მარტო. დარწმუნდით, რომ მანქანის სავარძლები სწორად არის დამონტაჟებული და მოსთხოვეთ თქვენს შვილს, გაიკეთოს ჩაფხუტი ველოსიპედზე ან სკუტერზე ჯდომისას.
