ჭიამაიას ზღაპარი
მზის სხივს პაწია ათინათი მოწყდა და თეთრი ყვავილის ფურცელზე დასკუპდა.
-წამოდი, რას უყურებ, ცაში დაბრუნების დროა!-დაუძახა მზის სხივმა.
-ცაში წასვლა არ მინდა, მომბეზრდა თქვენთან ყოფნა! მიწაზე უნდა დავრჩე, -ბალახზე ვისეირნო და ყვავილის გულში ვიცხოვრო...
დარჩა პაწია ათინათი მიწაზე, გვირილების მინდორში. განაწყენებულმა მზემ სხივები აიკრიფა და თვალს მიეფარა. დაღამდა. პაწია ათინათს შესცივდა. მისი ციცქნა ნაპერწკალი თანდათან იბჟუტებოდა, ტანზე კი პაწაწა წინწკლები უჩნდებოდა.
მოენატრა მზეს თავისი ათინათი და სხივები დილაადრიან გაგზავნა მიწაზე. იპოვეს სხივებმა ათინათი, შეეცოდათ და თბილი სხივებით მოეფერნენ. პაწია ათინათი ლამაზ მწერად იქცა, ტანზე მას წითელი, შავად დაწინწკლული კაბა ეცვა.
-ახლა შეგეძლება მიწაზეც იცხოვრო და ცაშიც მოგვინახულო,-ალერსით უთხრეს მზის სხივებმა.
დარჩა პაწია მწერი დედამიწაზე. მას ლამაზი სახელები დაარქვეს, -ზოგან მაიას ეძახდნენ, ზოგან ლედიბაგს, ზოგან რას და ზოგან რას.
ცამ ღრუბლები შემოიხვია. წვიმა დიდხანს გაგრძელდა. მოენატრა პაწია ჭიამაიას თავისი მშობლიური ცა და მზე.
ცხრათვალა მნათობი ჭიანჭველა ჭინჭარას და ჭრიჭინა ინასაც მონატრებოდა.
-შენ ხომ მზის შვილი ხარ! ჭია, ჭია -ჭიამაია, ხვალ როგორი დარია? -დაუძახა დობილს ჭრიჭინამ.
ჭიამაიამ პაწია ფრთები გაშალა, ღრუბლების ჭუჭრუტანებში მარჯვედ გაძვრა და მზეს ესტუმრა.
-გამოდი, მზეო, გამოანათე, წვიმამ მიწაზე ჭენჭყოები გააჩინა და ჭიანჭველა-ჭინჭარას ბუდე დაუტბორა, ჭრიჭინა ინას უმზეოდ სიმღერა არ სურს...
მზემ არ აწყენინა, გადასწია ცის ფარდა და სასწრაფოდ გამობრწყინდა. ჭინჭარას ბუდე მალე გაშრა, ჭრიჭინამ სიმღერა შემოსძახა:
-ჭია, ჭიამაია, გულკეთილო დაია, რა მზიანი დარია, აგრემც გაგიხარია!
სხვა მოთხრობები
ყვავილების ფერიას, როსას ყველაზე მეტად ერთი უბრალო ყვავილი უყვარდა. ამ ყვავილს ასკილი ერქვა. ერთხელ როსა ავად გახდა. ფერიას ვერავინ შველოდა. - რა ვქნა, როსას რ...
- მე ქვეყანას სინათლესა და სითბოს ვაძლევ! -თავს იწონებდა მზე. - მე მაცოცხლებელ წვიმას, -გაიძახოდა ღრუბელი. - მე ხომ უხვი წყლით ვარ ცნობილი! -გაიძახოდა მდინარე...
ერთ უდაბურ ტყეში დედა ღორი ცხოვრობდა. მას სამი გოჭი ჰყავდა,-ბაგი, ბუგი და ფათერაკა. ბაგი და ბუგი ისეთი ღონიერი გოჭები იყვნენ, სულ ბაგიბუგით დადიოდნენ. ფათერაკა...
დედაჩემს დეა ჰქვია. ხომ ლამაზი სახელია? დედა-დეა. ერთი დ აკლია, თორემ სახელადაც დედა ერქმეოდა. დედაჩემი დედად მუშაობს, ჩვენ გვივლის, მე და ჩემს დაიკო მაგდას....
ზაზუკა პატარა ბიჭი არ გეგონოთ, ის ნიკას ზაზუნაა. პაწაწინა ცხოველია, - თოვლივით თეთრი. თათები ჩვილის პაწია თითებს მიუგავს. ზის თავის მინის სახლში და პირს არხეინა...
შენ ალბათ იცი, რომ ჩვენი ანბანის სასახლეში ოცდაცამეტი ასო-ბგერა ცხოვრობს. მათგან ხუთი ხმოვანია, დანარჩენი-თანხმოვანი. ხმოვნები მომღერალი ბგერები არიან. თანხმო...
პატარა გიორგი ოცნებობს; - ახ, ნეტავ, ფეხმარდი ცხენი მყავდეს! ნეტავ, რკინის პერანგი მქონდეს და ბასრი ხმალი! - რკინის პერანგი და ხმალი? -ბებო იცინის, -ნეტავ, რა...
ერთხელ ქარიშხალმა ჩამოიქროლა. გვერდზე გადაბრეცილ დიდ ხეს მიაწვა და წააქცია. მაღლობზე გადმოკიდებული ხე ზემოდან ზღვას დაჰყურებდა. ზღვაზე გემები გედებივით დასრიალ...
სახატავ ქაღალდზე ქრისტინემ სახლი დახატა. სახლი პატარაა, თუმცა ნამდვილს არაფრით ჩამოუვარდება. აქვს პატარა კიბე, პატარა კარი და ორი პატარა ფანჯარა. ფანჯრები თითქო...
მწვანე მინდორში ნორჩი ბალახი და ნარნარა ყვავილები სულ დაინამა. ჭიანჭველა ნუნე ბუდეში ვეღარ ბრუნდებოდა. მისი ბუდე დიდ ნაძვთან იყო. ნუნე ამხელა ნამის ზღვას როგორ ...
დაეხმარე სახელის შერჩევაში
წაიკითხეთ წიგნები ერთად, რათა გააფართოვოთ თქვენი ცოდნა და გაატაროთ დრო სასიამოვნოდ.
