პატარა კუს ამბავი
გაზაფხულის ცაზე ღრუბელმა კოკამ გამოისეირნა.
-ვაიმე! კოკა მოდის! ახლა კოკისპირულად იწვიმებს!-შეშინებულმა ჩიტებმა მაშინვე ბუდეებს მიაშურეს. ჭიანჭველა ბეგი ბუდისკენ წაცუხცუხდა. კალია გუგამ ისკუპა და ღობეს გადაევლო. თხუნელა თომამ სასწრაფოდ მოძებნა მიწაში ხვრელი. ცხოველები ბუნაგებსა და სოროებში მიიმალნენ.
-ნახეთ, ჩემი როგორ ეშინიათ!-კოკა სიამაყისგან უფრო გაიბერა. ღრუბელმა ძირს ჩამოიხედა. ეს რა დაინახა! პატარა კუ -კოლა ბოსტანში შეპარულიყო და კომბოსტოს არხეინად ახრამუნებდა. შიში სულაც არ ეტყობოდა. ღრუბელმა წარბები შეიკრა, ლოყები დაბერა, დაიქუხა და წვიმა შხაპუნით ჩამოასხა.
-შხაპ-შხუპ! შხაპ-შხუპ! ხრამ-ხრუმ! ხრამ-ხრუმ!-იმ დღეს ბოსტანში ასეთი ხმები ისმოდა.
კოკა ისე გაბრაზდა, ფთილები ბოლომდე დაიწურა. რად გინდა? კოლა მას ჩირადაც არ აგდებდა. ბუდიდან ჩიორა დარიამ გამოყო თავი:
-გეგონა, კოლასაც შეაშინებდი? ასედაც მოგიხდება, ბრაზიანო, მიდი ახლა და აშხაპუნე!
დარცხვენილმა კოკამ ჩაიგრუხუნა:
- იმას, ვისაც სახლი მუდამ ზურგით დააქვს, წვიმით როგორ შეაშინებ? ეჰ! რა გაეწყობა, აჯობებს, გადავიღო! აქედან დროზე გავიპარო!
სხვა მოთხრობები
პატარა გიორგი ოცნებობს; - ახ, ნეტავ, ფეხმარდი ცხენი მყავდეს! ნეტავ, რკინის პერანგი მქონდეს და ბასრი ხმალი! - რკინის პერანგი და ხმალი? -ბებო იცინის, -ნეტავ, რა...
მხიარული ზაფხულია. პატარა ნიკოს და ანანოს დაჭერობანას თამაში უნდათ. - ნიკაა! -ყვირის პატარა ნიკო, -სად ხარ? დაჭერობანა ვითამაშოთ! აი, იპოვეს! ბიჭი ხის ქვეშ წა...
სახატავ ქაღალდზე ქრისტინემ სახლი დახატა. სახლი პატარაა, თუმცა ნამდვილს არაფრით ჩამოუვარდება. აქვს პატარა კიბე, პატარა კარი და ორი პატარა ფანჯარა. ფანჯრები თითქო...
მათეს ძალიან უყვარს ფეხბურთი. უნდა ეზოს გუნდში თვითონაც იყოს, მაგრამ ბავშვები არ ათამაშებენ, ეუბნებიან, ჯერ პატარა ხარო. ამიტომაა, რომ მათე მარტო ვარჯიშობს, ბიჭ...
ზაზუკა პატარა ბიჭი არ გეგონოთ, ის ნიკას ზაზუნაა. პაწაწინა ცხოველია, - თოვლივით თეთრი. თათები ჩვილის პაწია თითებს მიუგავს. ზის თავის მინის სახლში და პირს არხეინა...
დინო პატარა დინოზავრი იყო. იგი ნესტიან და დაბურულ ტყეში გამოიჩეკა. ძლივს ამობობღდა კვერცხიდან, მიიხედ-მოიხედა, მაგრამ ერთმანეთში გადახლართული ხე-გვიმრების მეტი ...
ერთ ლამაზ ტყეში ხეები მეგობრულად ცხოვრობდნენ. გავიდა დრო. მშვენიერ ნაძვს თანდათან სიბერე შეეპარა. წიწვები გაუყვითლდა, ტოტები გაუხმა. ხეები დაღონდნე...
ერთხელ ქარიშხალმა ჩამოიქროლა. გვერდზე გადაბრეცილ დიდ ხეს მიაწვა და წააქცია. მაღლობზე გადმოკიდებული ხე ზემოდან ზღვას დაჰყურებდა. ზღვაზე გემები გედებივით დასრიალ...
პატარა წვეთი დედამიწაზე ცხოვრობდა,-ლიკლიკა ნაკადულის ტალღებში. ლიკლიკა ნაკადული ლამაზ მინდორზე მიედინებოდა. პატარა წვეთი წყლის ნაკად მიჰყვებოდა, ცას უყურ...
დარეჯანმა თავისი ჯადოსნური ფუნჯით ჯადოქარი ჯღუნა დახატა. ამ დროს ჯაბამ დაუძახა. დარეჯანი ჯაბასთან გაიქცა, ნახატზე ჯღუნა გაცოცხლდა. მიიხედ-მოიხედა და მშვენიერი თ...
დაეხმარე სახელის შერჩევაში
აუხსენით ბავშვს, რომ შეცდომები სწავლის ბუნებრივი ნაწილია და რომ ისინი არ უნდა შეაშინოს.
